یاز قول سوموگینده ن یونولان قانلی قلم لن

کفرایله یاشار ائل   یاشاماز ظلم وستم لن

طوفان لی دنیز مثلی دی بو کهنه خرابات

فاتح اولابیلمز اونا بیرکیمسه بلم لن

بزم اینده اونون نعره ی مستانه وورانلار

مین بیرسپر آتمیشلا  خدم جاه وحشم لن

قات قات قارا توپراق لار آلیر باج اولاردان

جم هانسی دی کی ؟ کیم دی دف وطبل و خدم لن

مین لرجه سلیمان لاری اوز کامینه چکمیش

حاتم یئره دگمیش بوتون اسباب کرم لن

مین اولکه نی بیرآن داچکیر ناره بیرامضاء

خاموش اولونور مین کوره بیراینجه قلم لن

افسوس حقیقت گونشی ماتمه باتدی

صدحیف سخنوریاشادی محنت وغم لن

سعی ائیله حسین ده ن آلاسان  رسم حیاتی

یوخسایاشایانمز کیمی سه ظلم وستم لن

 

اسکندرنجفی سوها (سخنور)- اردبیل