ترکی دیل
ترکی دیل
تركين ديلي تك سئوملي ايستكلي ديل اولماز
ئوزكه ديله قاتسان بو اصيل ديل اصيل اولماز
ئوز شعريني فارسا-عربه‌قاتماسا شاعر
شعري اوخويانلار ، ائشيدنلر كسيل اولماز
فارس شاعري چوخ سوزلريني بيزدن آپارميش
"صابر " كيمي بير سفره لي شاعير پخيل اولماز
توركون مثلي فولكلوري دنيادا تكدير
خان يورقاني كند ايچره مثل دير ميتيل اولماز
آذرقوشوني قیصر رومي اسير ائتميش
كسري سوزودير بير بئله تاريخ ناغيل اولماز
پيشيميش كيمي شعرين ده گرگ داددوزي اولسون
كند اهلي بيلرلر كي دوشابسيز خشيل اولماز
سوزلرده جواهر كيمي دير اصلي بدلدن
تشخيص وئرن اولسا بوقدر زير زيبيل اولماز
شاعر اولا بيلمزسن آنان دوغماسا شاعير
مس سن آبالام هر ساري كوينك قيزيل اولماز
چوخ قيسا بوي اولسان اولوسان جين كيمي شيطان
چوخ دا اوزون اولما كه اوزوندا عقیل اولماز
مندن ده نه ظالم چيخاراوغلوم نه قصاص چي
بير دفعه بوني قان كي ايپكدن قيزيل اولماز
آزاد قوي اوغول عشقي طبيعدن بولسون داغ
داشدا دوغولموش ده لي جيران جميل اولماز
اينسان اودي توتسون بو ذليل خلقين الينده
آلاهي سورسن بئله اينسان ذليل اولماز
چوق داكي سرابن سوتي وارياغ بالي واردير
باش عرشه ده چاتديرسا سراب اردبيل اولماز
ميلت غمي اولسا بو جوجوقلار چوپه دنمز
اربابلار يميزدان قارينلار طبيل اولماز
دوز وختا دولار تاختار طاباق ادويه ايل
اندا كي ننه م سانجلانارزنجفيل اولماز
بو «شهريار»ين طبعي كيمي چيممه لي چشمه
كوثر اولا بيلسه دئميرم سلسبيل اولماز
