گئت گولوم گئت منه سن جان اوْلاسان ايسته ميرم

عشوه لي، سئوگيلي جانان اوْلاسان ايسته ميرم



بيرده گؤزياشي تؤكوب كويينه گلمم گؤزليم

گؤروب احواليمي خندان اوْلاسان ايسته ميرم



بي وفاليقدا بوتون عالمه مشهور اوْلدون

سن اگر حوري غلمان اوْلاسان ايسته ميرم



وورموسان سينه مه مين ياره كفايتدي منه

بو سينيق كؤنلومه درمان اوْلاسان ايسته ميرم



بي وفاسن، ده گيلم راضي اؤلندن سونرا

قبريم اوستينده نگهبان اوْلاسان ايسته ميرم



پيس گؤنومده مني سالدون نظريندن گئتدين

ياخشي گؤنده منه مهمان اوْلاسان ايسته ميرم



واحدين قيمتيني بيلمه دين اينجيتدين اوْني

هله گي اؤلدو ، پشيمان اوْلاسان ايسته ميرم