سن گوزللر گوزلیندن ده گوزل سن گوزلیم

بو گوزللیقدا ، آغیزلاردا مَثَل سن گوزلیم

بو آجی دونیادا سن تکجه شیرین بیر مزه سن

قوی کی من ساده دییم دادلی عسل سن گوزلیم

من گوزل شعرلریمی تکجه سنین عشقه دئدیم

چون کی سن لاییق بو شعر و غزل سن گوزلیم

سنین عشقیندن اوزاق گزمه رم من حتی اگر

او کامان قاشلاریوینان منی دَل سَن گوزلیم

ائلرم جانیمی قوربان سنه تای نازلی یارا

اگر کی بوسه اوچون بیر قوناق گَل سن گوزلیم